நக்கன் என்ற முன்னொட்டுக்கு அறிஞர்கள் பலவாறு விளக்கம் அளித்தாலும் சிவன் பால் சித்தம் கொண்டோர் அனைவரும் ஆண், பெண், அரசி, குடிமகன் என்ற பேதமில்லாமல் ‘நக்கன்’ என்ற முன்னொட்டைத் தத்தம் பெயருடன் இணைத்துள்ளனர் என்பது அக்காலத்திய கல்வெடுகள் மூலம் தேற்றம்.

தளிச்சேரி பெண்டுகள்: - கல்வெட்டு வரிகள் இவ்வாறு சொல்கின்றன: “ஆக இப்படி உடையார் ஸ்ரீராஜராஜ தேவர் திருவாய் மொழிந்தருளியபடி கல்லில் வெட்டியது: தளிச்சேரிப் பெண்டுகள் தெற்குத் தளிச்சேரித் தென்சிறகு தலைவீடு திருவையாற்று உலகமாதாதேவீஸ்வரத்து நக்கன் சேரமங்கைக்கும் பங்கு ஒன்று.” இவ்வரியில் “தலைவீடு” என்பது முதலாம் வீடு என்பதாம். [டாக்டர் திரு. கலைக்கோவன் அவர்கள் தமது “தளிச்சேரி பெண்டுகள்” என்னும் நூலில் இப்பெண்களின் பெயர்களை மிக விரிவான ஆய்வுக்கு உட்படுத்தி பல சுவாரசியத் தகவல்களை அளித்துள்ளார். அவர் உழைப்பை நான் எடுத்துக்கொள்ள இயலாது. என்னைக் கவர்ந்தவை மட்டும் இக்கட்டுரையில் இடம் பெறுகின்றன.]

ஆடலரசிகளின் திருமறைப் பெயர்கள்
தெற்கு தளிச்சேரி தென்சிறகு - 5’ம் வீட்டில் வசித்தவர் ”எடுத்தபாதம்”
-9’ம் வீட்டில் வசித்தவர் ”எடுத்தபாதம்”
-40’ம் வீட்டில் வசித்தவர் ”மழலைசிலம்பு”
வடக்கு தளிச்சேரி தென்சிறகு - 49’ம் வீட்டில் வசித்தவர் “நீறணி பவழக்குன்று”

ஒரே பெயரில் இருவர், மூவர் இருந்தால், “பெரிய”, “சிறிய”, “கரிய” போன்ற அடைமொழிகளால் அடையாளப்படுத்தப் பட்டுள்ளனர்.

மரப்பெயர்கள்:-
அக்காலத்தில் மரங்களின் பெயரைத் தம்பெயராய் சூட்டிக்கொள்வது வழக்கில் இருந்துள்ளது. சில ஆடலரசிகள் “இலவம்”, “ஒருப்பனை”, “முருங்கை”, “வெண்ணாவல்” என பெயர் கொண்டவராய்த் திகழ்ந்துள்ளனர். வெண்ணாவல் பாடல் பெற்ற திருவானைக்கோவிலின் தலவிருட்சமாகும்.

மேலும், அரசமரபுப் பெயர்கள், இறைப்பெயர்கள், மற்றும் இறத்தலப்பெயர்களைக் கொள்வது இன்று போல் அன்றும் மரபாய் இருந்துள்ளது.

தொடரும்this is txt file