கங்கைகொண்ட சோழபுரம் – குடமுழுக்கு

கங்கைகொண்ட சோழீஸ்வரத்திற்குக் கடந்த 02-02-2017 அன்று எண்பத்தைந்து ஆண்டுகளுக்குக் பிறகு சிறந்த முறையில் குடமுழுக்கு நடைபெற்றது.

இது ஓர் அரசு விழா அல்ல! பொறியாளர் திரு. இராஜாராம் கோமகன் என்பவரின் தனிப்பட்ட முயற்சி! மிகச்சிறந்த முறையில் எவ்விதக் குறையும் இல்லாமல் சிறப்பாக நடைபெற்ற நிகழ்வு. கங்கையிலிருந்து கொண்டுவரப்பட்ட நீரால் குடமுழுக்கு நடைபெற்றது! குடமுழுக்கிற்கு முதல்நாள் கங்கைகொண்ட சோழபுரமே வண்ண விளக்குகளால் அலங்கரிக்கப்பட்டுத் தகதக என்று மின்னிய காட்சியைக் காணக் கண் கோடி வேண்டும்!

வெகு நிச்சயமாக விண்ணிலிருந்து இராஜேந்திர சோழர் இக்காட்சிகளைக் கண்டு களித்திருப்பார் என்று நம்புவோமாக! ஏனெனில் அரசின் எவ்விதமான பெரிய உதவியும் இல்லாமல் இந்நிகழ்வு இவ்வளவு சிறப்பாக நடைபெறவேண்டும் எனில் அது மனித ஆற்றலை மீறிய ஏதோ ஓர் அமானுஷ்யமான சக்தியின் வழிகாட்டுதலால்தான் நடைபெற்றிருக்க முடியும் என்று நான் நம்புகிறேன்.

இராஜேந்திரர் எந்தெந்த கோணங்களில் தனது படைப்பை கண்டு இரசித்திருப்பார்? கற்பனைக்குக்கூட எட்டாத அந்த அற்புதக்காட்சிகள் உங்களுக்காக இதோ தொல்லியல் துறையின் அனுமதியுடன் இக்கட்டுரையாசிரியரின் புகைப்படக்கருவி வாயிலாக!

கோயிலின் மேற்கிலிருந்து

 

கோயிலின் தெற்கிலிருந்து

கோயிலின் வடக்கிலிருந்து

கோயிலின் கிழக்கிலிருந்து

விமானம் கழுகுப்பார்வை – உச்சியிலிருந்து

 

கும்பாபிஷேக விடியலில்

 

கிழக்கில் உதயசூரியனின் பொற்கதிர்களின் எதிரொலியில்!

 

ஒட்டு மொத்த வளாகமும்!