சங்க இலக்கியங்களில் வானவியல் அறிவின் நுட்பப் பதிவுகளைப் பல பாடல்வரிகளில் நாம் அறியும் வண்ணம் கவிகள் பாடிச் சென்றுள்ளனர். வானவியல் பதிவுகள் மிகவும் பயனுள்ளதாகவும் இன்றைய அறிவியல் பதிவுகளுக்கும் கண்டுபிடிப்புகளுக்கும் ஈடு கொடுப்பதாகவே அமைந்துள்ளன.

மேலும், திங்கள் வழிபாடு என்பது அன்றைய சோழநாட்டின் புகாரில் வழக்கில் இருந்துள்ளது. இதைப் பட்டினப்பாலை பாடல்வரிகள் நமக்குப் படம் பிடிக்கின்றன.

மழை நீங்கிய மா விசும்பில்
மதி சேர்ந்த மக வெண்மீன்
உரு கெழுதிறல் உயர் கோட்டத்து
முருகு அமர் பூ முரண் கிடக்கை
வரி அணி சுடர் வான் பொய்கை
- (34-38)

விளக்கம்: மழை மாசு நீங்கிய பெரிய வானில், திங்களைச் சேர்ந்து விளங்கும் மகம் என்றும் வெண்ணிற மீனின் வடிவத்தைக் கொண்டதாக வலிமையுடன் அமைக்கப்பட்ட உயர்ந்த கரைகளைப் பெற்ற நல்ல பொய்கை உள்ளது என்பதாம்.

மகமாகிய விண்மீன் கூட்டம் வெட்டரிவாள் போல இருப்பதாகக் கூறுவர் வானவில் அறிவியலாளர். மேற்கண்ட பாடலின் வர்ணனை மூலம் நாம் அறிவது புகார் நகரத்துப் பொய்கையின் கரை வெட்டரிவாள் போல இருந்ததாம். பொய்கையின் கரைக்கு மகமீன் உவமையால் வர்ணித்தது உருத்திரங்கண்ணனாரின் வானவியல் அறிவின் நுட்பப் பதிவாகும்.

மேலும், திங்கள் கோட்டம் இருந்ததற்கான பதிவையும் நாம் காண்கிறோம். திங்கள் வழிபாடு என்பது சோழநாட்டில் வாழ்வியல் வழக்கில் இருந்துள்ளது.

தமிழன் என்று தலைநிமிர்ந்து பெருமை கொள்ளடா! அறிவியல் வளர்ச்சி காணும் இந்நாளில் கண்டறியப்படும் பல வான்கலைத் தகவல்களை அன்றைய தமிழன் என்றோ பல நூறாயிரம் வருடங்களுக்கு முன்னரே அறிந்து சங்கப்பாடல் வரிகள் மூலம் பதிவு செய்துள்ளான். என்னவொரு விந்தை தமிழா!!