நேயர்களுக்கு வணக்கம்.

சென்ற இதழில் குறிப்பிட்டது போல் வரலாறு.காம் அரையாண்டு நிறைவைக் கொண்டாடும் பொருட்டும் திருச்சி மா.இராசமாணிக்கனார் வரலாற்றாய்வு மையம் வழங்கும் அமரர் கூ.ரா.சீனிவாசன் நினைவு அறக்கட்டளைப் பொழிவை வழங்கும் முகமாகவும் டாக்டர். இரா. கலைக்கோவன் அவர்களின் புதிய புத்தகத்தை வெளியிடும் நிகழ்வாகவும் ஒரு முப்பெரும் வரலாற்றுப் பெருவிழா தஞ்சை இராஜராஜீஸ்வரத்தில் ஏற்பாடாகி இருக்கிறது. இவ்விழாவைக் கொண்டாடச் சோழர் கலைப் பெட்டகமாம் இராஜராஜீஸ்வரத்தினும் சிறந்த வளாகத்தைக் காண்பது எங்ஙனம்? விழாவை அங்கு நடத்திக்கொள்ள அனுமதியளித்த மத்திய அரசின் தொல்பொருள் துறைக்கு(Archaeological Survey of India) மிகுந்த நன்றிக் கடப்பாடுடையவர்கள் ஆகிறோம்.

விழா நிகழ்ச்சி நிரல்

நாள் : ஜனவரி 30, 2005 (தை மாதம் 16ம் தேதி) காலை.

இடம் : தொல்லியல் பரப்பாய்வுத் துறையின் புதிய அலுவலக வளாகம், தஞ்சை பெரிய கோயில்.

10:00	தமிழ்த்தாய் வாழ்த்து	செல்வி. இரா. இலலிதாம்பாள்
		செல்வி. மா. இலாவண்யா
10:05	வரவேற்புரை	திரு. சு. கிருபாஷங்கர்
10:30	பெண் தெய்வ வழிபாடு தோற்றமும் வளர்ச்சியும் - புத்தக வெளியீடு
	வெளியிடுபவர்	திரு. த. பரமநாதன்
	முதல் பிரதி பெறுபவர்கள்	திரு. சுந்தர் பரத்வாஜ்
		திரு. மரு. சு. நரேந்திரன்
		திரு. மரு. சு. பழனியாண்டி
		செல்வி. இரா. இலலிதாம்பாள்
10:35	வரலாறு.காம் - இராஜராஜீசுவரம் சிறப்பிதழ் வெளியீடு
	இணையத்தளம் அறிமுகம்	திரு. தி. ம. இராமச்சந்திரன்
	வெளியிடுபவர்	முனைவர். சு. இராஜவேலு
	முதல் பிரதி பெறுபவர்கள்	முனைவர். மா. ரா. அரசு
		முனைவர். அர. அகிலா
10:40	பழங்கால ஓவியங்களின் பதிவும் மீட்டுருவாக்கமும் - சிக்கல்கள், தீர்வுகள் - அமரர். கூ. இரா. சீனிவாசன் அறக்கட்டளைப் பொழிவு
	அறிமுகம்	முனைவர். இரா. கலைக்கோவன்
	சொற்பொழிவு	திரு. சே. கோகுல்
11:45	வாழ்த்துரை	முனைவர். குடவாயில் பாலசுப்ரமணியன்
11:55	நன்றியுரை	முனைவர். மு.நளினி

இந்த முப்பெரும் விழாவிற்குத் தாங்களும் தங்கள் சுற்றமும் வரலாற்றியலில் ஆர்வம் கொண்ட நண்பர்களுடன் வந்து கலந்து கொண்டு விழாவினைச் சிறப்பிக்க வேண்டுமென்று இருகரம் கூப்பி வரவேற்கிறோம். நிகழ்ச்சிகள் அனைத்தும் எத்தனை சுவையுடையதாய் இருக்கப்போகிறது என்பதை நாம் சொல்லத் தேவையில்லை. தமிழகத்தின் முதுபெரும் ஆய்வாளர்கள் மூவரையும் ஒரே அரங்கில் - அதிலும் தஞ்சை இராஜராஜீஸ்வரத்தில் - சந்திப்பது எத்தனை அரிதான விஷயம்! நிகழ்ச்சியின் முடிவில் நேரமிருந்தால் ஆய்வாளர்களுடன் இராஜராஜீஸ்வரத்தை சுற்றிப் பார்க்கும் வாய்ப்பும் உள்ளது.

அமரர் கூ.ரா.சீனிவாசன் அறக்கட்டளைப் பொழிவு "பண்டைய ஓவியங்களின் பதிவும் மீட்டுருவாக்கமும் - சிக்கல்கள் தீர்வுகள்" என்னும் தலைப்பில் அமையவிருக்கிறது. இதில் பண்டோவியங்களின் டிஜிட்டல் முறை பதிவாக்கத்தையும்(Digital Archiving) கணினி மென்பொருளின் உதவியுடன் புரியக்கூடிய மீட்டுருவாக்கத்தையும் (Digital Art Restoration) நமது குழு உறுப்பினர் விளக்க இருக்கிறார். இதில் அரிய சோழர்கால ஓவியங்களை மீட்டுருவாக்கம் செய்து காண்பிக்க இருக்கிறோம். ஆக நிகழ்ச்சிகள் அனைத்துமே விறுவிறுப்பாக அமையப்போகின்றன என்பதில் ஐயமில்லை.

விழாவில் கலந்துகொள்ள விருப்பமுள்ள நேயர்கள் அனைவரும் ஜனவரி காலை 9.30 மணி வாக்கில் தஞ்சைப் பெரிய கோயில் வளாகத்திற்குள் வந்துவிடுமாறு கேட்டுக்கொள்கிறோம். அங்குள்ள அறிவிப்புப் பலகைகள் நமது நிகழ்ச்சி நடக்கும் இடத்தை உங்ளுக்குத் தெரியப்படுத்தும். இதற்கான தொடர்புத் தொலைபேசி எண்கள் வேண்டுமெனில் editor@varalaaru.com என்னும் முகவரிக்கு மின்னஞ்சல் அனுப்பிவிடுங்கள்.

நேயர்கள் அனைவரும் இந்த அரிய விழாவில் தவறாமல் கலந்துகொண்டு நமது முயற்சியினைச் சிறப்பிக்க வேண்டுமாய் கேட்டுக் கொள்கிறோம்.

வணக்கம்.

ஆசிரியர் குழு

this is txt file